Nýtt og endurbætt Alþingi
29. 11. 2007 - 13:27 | Flokkur: Stjórnmál | 4 Ummæli
Týpískt. Loksins þegar á að gera langþráða bragarbót á starfsemi Alþingis sem hefur drabbast í skugga framkvæmdavalsins í áraraðir þá andmæla menn í röðum. Það er horft í 470 milljóna króna aukningu á framlögum til þingsins 2008 án þess að gá að því að 250 milljónir af því, meira en helmingurinn, er út af viðgerðum á húsinu Skjaldbreið.
Það eru semsagt settar 220 milljónir í bætt vinnubrögð í aðalstoð lýðræðisins. Er það mikið fyrir breytingar sem ættu að geta skilað milljörðum í bættri lagasetningu og aðhaldi við mistækt framkvæmdavald?
Ég hef nú samt ákveðna samúð með ræðuskörungum Vinstri grænna. Eftir breytingarnar á þingsköpunum verður aldrei aftur hægt að mæla ræðutíma þingmanna í heilum hjörlum. Mætti ekki alveg, þó það væri bara þeirra vegna, hafa heimild til afbrigða á tímamörkum í stærri málum? T.d. þegar farið verður að ræða inngönguna í ESB.
En hvernig er ekki hægt að fagna: Lengdum starfstíma Alþingis, efldu eftirlitshlutverki þingsins gagnvart framkvæmdavaldinu, öflugri þingnefndum með auknu starfsliði, aðstoðarmönnum fyrir formenn stjórnarndstöðuflokka og afnámi næturfunda?
Samt vantar ennþá opnar vitnaleiðslur hjá nefndunum.
Hallgrímur Thorsteinsson
Það var mikið að maður sá vitræna bloggfærslu um þetta mál. En svo sem ekki í fyrsta sinn sem þú mælir af skynsemi Hallgrímur. Takk.
[...] og ég stend í þeim skrítnu sporum að verja aukin ríkisútgjöld og vera í liði með Hallgrími Thorsteinssyni, nokkuð sem ég er ekki [...]
Fullkomlega sammála. Tel reyndar að á meðan ráðherrar eru á þingi þá geti þingið aldrei haft sómasamlegt eftirlit með framkvæmdavaldinu. Meðan flokksformenn sitja báðum megin við þá stjórna þeir dæminu þar sem það eru þeir sem dæma lifendur og dauða í pólitíkinni innan hvers flokks fyrir sig.
[...] og ég stend í þeim skrítnu sporum að verja aukin ríkisútgjöld og vera í liði með Hallgrími Thorsteinssyni, nokkuð sem ég er ekki [...]