Föstudagur 30.9.2016 - 17:57 - FB ummæli ()

Vinsældir ESB aukast eftir Brexit

skoðanakönnun í sýnir að vinsældir ESB í Hollandi hefur aukist talsvert. Tæplega helmingur landsmanna lítur ESB aðild landsins jákvæðum augum. Stuðningur við úrsögn Hollands úr ESB eða svokallað Nexit hefur einnig dregist verulega saman, í könnuninni kom í ljós að 20 % þjóðarinnar er hlynnt úrsögn.

Margir spáðu því að að vinsældir Evrópusambandsins myndi minnka eftir að Bretland ákvað að ganga úr sambandinu í þjóðaratkvæðagreiðsluna í júní. Það þveröfuga hefur átt sér.

Poppúlistinn Geert Wilders, leiðtogi Frelsisflokksins fagnaði fagnaði niðurstöðunni í Bretlandi og óttast var að flokkur hans gæti kallað fram þjóðaratkvæðagreiðslu um aðild landsins að ESB.

Vinsældir ESB gætu dvínað á nýjan leik ef að efnahagsleg áhrif Brexit reyndast óveruleg þegar fram líða stundir.

Flokkar: Stjórnmál og samfélag

Þriðjudagur 24.5.2016 - 17:57 - FB ummæli ()

Uppgangur hægri popúlisma í Evrópu

Frambjóðandi Frelsisflokksins Nobert Hofer tapaði naumlega í forsetakosningunum í Austurríki sem fóru fram um helgina. Kosið var á milli fulltrúa hins þjóðernissinnaða Frelsisflokksins, yst á hægri væng stjórnmálanna, og fulltúra græningja, sem er talsvert til vinstri.

Til allra hamingju tókst hagfræðiprófessorinn Alexander van der Bellen að sigra með 50,3% prósent atkvæða. Það var aðeins 30.000 atkvæða sem skildu þá að. Með þessu úrslitum var komið í veg fyrir að hægri popúlisti yrði kosinn þjóðarleiðtogi ríkis í lýðræðislegum kosningum frá lokum seinna stríðs.

Þessi úrslit í Austurríki endurspegla þróun sem átt hefur sér stað í Evrópu undanfarin áratug þar sem hægri flokkar yst á jaðrinum hafa sífellt sótt í sig veðrið. Aukin fjöldi flóttamanna, lítill efnahagslegur vöxtur í álfunni og vaxandi vonbrigði með Evrópusambandið eru vatn á millu þessara flokka.

Bandaríska blaðið the New York Times birti greiningu á úrslitum kosninga síðustu áratugina og uppgagni hægra flokka í 20 ríkjum Evrópu. Þessi flokkar ná yfir breitt svið á hinu pólitíska litrófi, frá popúlistum og þjóðernissinnum til öfga-hægri stjórnmálflokka sem flokkast sem ný-fasískir.

Stóra spurningin er hvort að þessi bylgja hægri popúlisma eigi eftir að festa rætur á Íslandi, líkt og gerst hefur í mörgum ríkjum í kringum okkur.

europe-right-wing-austria-hungary-1463897749837-superJumbo-v2

Flokkar: Stjórnmál og samfélag

Mánudagur 22.2.2016 - 16:33 - FB ummæli ()

Afstaða BoJo til ESB, fullveldið og klofin Íhaldsflokkur

Boris Johnson, borgarstjóri London, steig loksins fram opinberlega í gær og sagðist ætla skipa sér flokk með þeim sem styðja úrgöngu Breta úr Evrópusambandinu í komandi þjóðaratkvæðagreiðslu. Johnson er litríkur stjórnmálamaður sem nýtur vinsælda þvert á stjórnmálaflokka. Þess vegna voru það slæmar fréttir fyrir hreyfingu þeirra sem vilja áframhaldandi verðu Breta í ESB og ekki síður fyrir David Cameron, leiðtoga breska Íhaldsflokksins. Johnson hefur oft verið nefndur sem næsti arftaki Cameron.  Það sem vakir fyrir borgarstjóranum er að sækjast eftir leiðtogasæti breska íhaldsflokksins fari svo að Bretar segi sig úr sambandinu.

Þrátt fyrir að engum dylst að Johnson hefur metnað til að taka við af Cameron, þá er afstaða hans til Evrópusamstarfsins ósvikinn. Hann hefur lengi verið í hópi efasemdamanna um þátttöku Breta í ESB.  Helstu rök hans voru þau að aðildin að ESB gengur beinlínis gegn og samrýmist ekki fullveldi Bretlands.

Breska tímaritið the Economist veltir fyrir sér röksemdafærslu Johnson og annarra fullveldissinna sem er á svipaðri línu. Fullveldi er fyrir þeim sem aðhyllast þessa sýn allt eða ekkert hugtak, eins og að vera barnshafandi – annað hvort ertu það eða ekki. Staðreyndin er hins vegar sú að í vestfalískum heimi dagsins í dag hefur fullveldi afstæða merkingu og fullvelda ríki eru algjörlega háð því að eiga samstarf við önnur ríki til að ná markmiðum sínum. Ríki sem neitar að deila fullveldi sínu með öðrum ríkjum hefur enga stjórn mengun sem rekur yfir landamæri, innihald fjárhagsreglugerða sem áhrif hafa á breskan efnahag, neytenda- og viðskiptaviðmið sem gilda, mengun hafsins, málefni sem varða öryggi borgaranna og efnahagskreppur svo nokkur dæmi séu tekin.

Bretland er aðili að 700 alþjóðlegum samningum sem setja skorður við breska fullveldið. Aðild landsins að Sameinuðu þjóðunum brýtur í bága við sjálfsákvörðunarrétt þjóðarinnar, þar sem ríkið getur orðið undir í atkvæðagreiðslu. Það sama má segja um Alþjóðaviðskiptastofnunina, NATO, AGS og Alþjóðabankann o.s.frv. Bretland gengst inn á þetta samstarf vitandi, eins og í tilfelli ESB, að það getur hætt samstarfinu hvenær sem því hentar. En kostnaðurinn sem af því hlýst er oftast nær of dýru verði keyptur.

Meirihluti bresku ríkisstjórnarinnar hyggst standa með Cameron en Íhaldsflokkurinn er klofin í málinu.

Flokkar: Stjórnmál og samfélag

Fimmtudagur 11.2.2016 - 15:23 - FB ummæli ()

Schengen hvað er í húfi?

Evrópa horfir upp á versta flóttamannavanda sinn frá því í seinni heimsstyrjöld. Vandinn sem við er etja er gríðarlegur. Meira en miljón flóttamanna komu til Evrópu á síðasta ári og búast má við að fjöldi flóttamanna eigi enn eftir að aukast á þessu ári.

Ísland hefur verið þátttakandi í Schengen-samstarfinu frá árinu 2001. Schengen-samstarfið snýst annars vegar um að tryggja frjálsa för einstaklinga um innri landamæri samstarfsríkjanna og hins vegar um að styrkja eftirlit með ytri landamærum svæðisins.

Flóttamannastraumurinn til Evrópu hefur valdið miklum þrýstingi á að endurskoðun á Schengen. Sumir þjóðarleiðtogar aðildarríkja ESB hafa brugðist við með því að reisa girðingar og múra og uppi hafa verið hugmyndir um að leggja Schengen – samstarfið niður.

France stratégy, sem er hugveita og starfar fyrir franska forsætisráðuneytið, gerði nýverið greiningu á kostnaðnum fyrir evrópskan efnahag að leggja Schengen samstarfið niður.

Efnahagsleg áhrif þess að leggja Schengen-samstarfið niður og taka upp landamæraeftirlit yrði um 100 milljarða evra. Það samsvarar 0,8% lækkun á VLF ríkjanna sem tilheyra Schengen svæðinu.

Til lengri tíma litið myndi varanlegt landamæraeftirlit draga úr viðskiptum milli Schengen ríkjanna um 10% til 20%. Helmingur af kostnaðinum má rekja til fækkun ferðamanna, 38% til minna flæðis vinnuafls og 12% til aukins kostnaðar við vöruflutninga milli landa.

Í greiningunni kemur fram að erfitt sé að meta raunverulegan kostnað af heftum erlendum fjárfestingum og fjármagnsflutningum til langs tíma. Í skýrslunni er ekki heldur metið kostnaðinn sem af því hlýst að reka og setja upp landamæraeftirlit í öllum ríkjum Schengen svæðisins.

Áhrifin fyrir íslenska efnahag yrðu einnig talsverð. Ísland gæti ekki tekið á móti öllum þessum fjölda ferðamanna án þess að hafa aðgang að miðlægum gagnabanka sem hefur að geyma upplýsingar um eftirlýsta einstaklinga? Aðild að Schengen stóreykur jafnframt möguleika á milliríkjasamvinnu gegn aukinni alþjóðlegri glæpastarfsemi svo nokkur dæmi séu tekinn.

 

europe-schengen-map

Flokkar: Stjórnmál og samfélag

Mánudagur 14.12.2015 - 11:51 - FB ummæli ()

Donald Trump og Repúblikanaflokkurinn

Hillary Clinton, forsetaframbjóðandi Demókrata í Bandaríkjunum, sagði í viðtali í síðustu viku að Donald Trump væri ekki lengur fyndinn og að hann væri orðinn beinlínis hættulegan. Eftir hryðjuverkaárásirnar í París og skotárásina í San Bernardino í Kaliforníu hefur Trump kallað eftir eftirliti með moskum og að múslimum verði bannað að koma til Bandaríkjanna. Þessi ummæli Trump eru að mati Hillary vatn á millu herskárra samtaka og ógn við öryggi Bandaríkjanna.

Leiðtogi repúblikana í fulltrúadeild Bandaríkjaþing, Mitch McConnell, segir að loftlagssamningur Sameinuðu þjóðanna verði rifinn í tætlur eftir rúmt ár, ef flokkur hans vinnur sigur í forsetakosningunum sem fara fram í nóvember á næsta ári. Flestir eru sammála um að loftlagssamkomulagið sem náðist í París marki tímamót. Alls sammældust 196 ríki um nýja loftlagssamninginn í París um helgina og Obama sagði að hann gæti varðað viðsnúning fyrir heimsbyggðina í þessum málum.

Noam Chomsky, áhrifamesti þjóðfélagsrýnir samtímans, var spurður út í Donald Trump sem frambjóðenda og pólitíska landslagið í Bandaríkjunum.  Chomsky sagði að bandaríski Repúblikanaflokkurinn og Demókrataflokkurinn hefðu báðir færst langt til hægri á undanförnum áratugum. Í dag myndi afstaða þorra Demókrata flokkast undir viðhorf sem hófsamir Repúblikanar höfðu áður fyrr. Repúblikanaflokkurinn væri kominn langt út fyrir póltíska litrófið og höfðaði ekki lengur til venjulegra millistétttarkjósenda. Flestir frambjóðendur þeirra væru fyrst og fremst að þjóna hagsmunum þeirra sem ættu gífurlega mikla fjármuni og hafa yfir að ráða miklum völdum í bandarísku samfélagi.  Þegar betur væri að gáð væri munurinn á milli Donald Trump og hinna frambjóðenda flokksins sáralítill á flestum sviðum.

Flokkar: Stjórnmál og samfélag

Miðvikudagur 28.10.2015 - 10:45 - FB ummæli ()

Stóra eða litla Bretland?

David Cameron, forsætisráðherra Bretlands, mun taka þátt í málþingi í Reykjavík dagana 28. til 29. október næstkomandi. Breskir fjölmiðlar hafa greint frá því að Cameron muni lýsa því yfir á málþinginu að „norsku leiðinni“ í Evrópumálum sé ekki vænlegur kostur fyrir Bretland.

Fyrir þremur árum birti breska hugveitan European Policy Center (EPC) skýrslu sem greinir frá valmöguleikum Bretlands í samskiptum sínum við nágranna sína í Evrópu. Það eru í raun þrír valkostir í stöðunni. Óbreytt ástand innan sambandsins, gerast aðilar að EES-samstarfinu eins og Ísland og Noregur eða svissneska leiðin sem fellst í því að gera tvíhliða samninga við ESB.

Niðurstöður EPC voru að EES-leiðin muni hafa í för með sér lýðræðishalla og áhrifaleysi á innri markaðnum, sem stórt ríki eins og Breland myndi aldrei sætta sig við.

„While this may be sustainable for a small country such as Norway, it can hardly be considered as ‘more democratic’ than EU membership, and it is difficult to imagine that it would be tolerable for a country such as Britain, with its large economy, to be excluded from decision-making on the Single Market.“

Forsætisráðherrann mun jafnframt greina frá því á málþinginu að lítil tækifæri felist í því að yfirgefa Evrópusambandið.

Flokkar: Stjórnmál og samfélag

Miðvikudagur 7.10.2015 - 11:08 - FB ummæli ()

Mannauðsmál ríkisins – starfslok

Ríkisendurskoðun fjallaði um starfslok ríkisstarfsmanna  í skýrslunni „Mannauðsmál ríkisins.- Starfslok ríkisstarfsmanna“ sem kom út árið 2011. Í skýrslunni er  meðal annars lagt til að málsmeðferð við uppsagnir ríkisstarfsmanna sé einfölduð.

Félags stjórnsýslufræðinga mun halda hádegisverðarfund sem fjallar um þetta málefni fimmtudaginn 8. október á Kex hotsteli, Skúlagötu 28. Fundurinn hefst kl. 12.00 og stendur til 13.30.

Vigdís Hauksdóttir, formaður fjárlaganefndar Alþingis, og Guðlaugur Þór Þórðarson, varaformaður nefndarinnar, hafa lagt fram frumvarp um breytingu á lögunum sem mun auðvelda forstöðumönnum opinberra stofnanna að segja upp starfsmönnum. Þetta mun færa opinbera vinnumarkaðinn nær hinum almenna vinnumarkaði. Vigdís segir að breytingarnar muni leiða til betri ríkisreksturs og auðvelda forstöðumönnum stofnana að bregðast við hagræðingarkröfu.

Starfsmannalögin (nr. 70/1996) kveða á um réttindi og skyldur starfsmanna ríkisins. Samkvæmt lögunum njóta ríkisstarfsmenn verndar í starfi umfram launþega á almennum vinnumarkaði. Rökin fyrir því að ríkisstarfsmenn eigi að njóta sérstakrar verndar í starfi eru einkum þau að nauðsynlegt sé að opinber starfsmaður geti sinnt starfsskyldum sínum án þess að óttast að valdhafar beiti hann þrýstingi, t.d með því að hóta, beint eða óbeint, að segja honum upp störfum.

Boðið verður upp á súpu dagsins og brauð á 1.700 kr. Fundurinn hefst kl. 12 og stendur til 13.30. Þeir sem hyggjast sækja fundinn eru beðnir um að skrá sig á netfangið stjorn@stjornsysla.is fyrir miðnætti miðvikudaginn 7. október. Greitt er fyrir mat á staðnum. Fundur er opin öllum og allir velkomnir.

Nánari upplýsingar á stjornsysla.is.

 

Flokkar: Stjórnmál og samfélag

Föstudagur 2.10.2015 - 11:38 - FB ummæli ()

Dauðsföll af völdum byssuskota og hryðjuverka

Barack Obama, forseti Bandaríkjanna, sagðist reiður og sorgmæddur vegna at­b­urða dags­ins, þar sem tug­ur manna var skot­inn til bana í há­skóla í Or­egon-ríki í Banda­ríkj­un­um og yfir tutt­ugu til viðbót­ar særðust alvarlega.  

„Ein­hverra hluta vegna varð þetta að venju,” sagði Obama á blaðamanna­fundi í Hvíta hús­inu vegna skotárás­ar­inn­ar og vísaði þar til hinna fjöl­mörgu skotárása sem hafa átt sér stað á undanförnum árum.

Obama hvatti fjölmiðla til að birta samanburð á dauðsföllum í Bandaríkjunum af völdum byssuskota annars vegar og hryðjuverka hins vegar. Réttur manna til að eiga byssu er talin heillög mannréttindi í Bandaríkjunum. Á hinn bóginn er allskyns borgararéttindum fórnað innanlands og utan til að verjast hryðjuverkárásum. Gífurlegum fjármunum fara í að tryggja öryggi borgarann fyrir utanaðkomandi árásum og leyniþjónustu Bandaríkjanna, CIA, og fjölmargar aðrar stofnanir koma að þessari vinnu. En það má ekki tala um að herða byssulöggjöfina til að koma í veg fyrir öll þessi óþarfa manndráp.

Það er ekki heil brú í þessu, eins og Obama benti á í ræðu sinni í gær.

Samanburður hryðjuverk og byssuskot

Þetta er enn meira sláandi samanburður þegar fjöldi dauðsfalla er tekin saman.

Gun-Murders-vs

Flokkar: Stjórnmál og samfélag

Miðvikudagur 2.9.2015 - 13:41 - FB ummæli ()

Flóttamenn og meðferðarúrræði

Evrópa stendur frammi fyrir mesta flóttamannavanda frá því í seinni heimstyrjöld. Rætur vandans má rekja til óstöðugleika í Miðausturlöndum og það sem á ensku kallast„failed state. Flóttafólk er að flýja borgarastríð, fátækt og mannréttindabrot heimafyrir. Þetta er að stærstum hluta fólk frá Sýrlandi, Afganistan og Eritreu.

Þetta eru uggvænlegar tölur sem birtast í fréttum. Það eru tæplega 400 þúsund flóttamenn sem hafa flúið til Evrópu það sem af er þessu ári. Þetta er talsvert hærri tali en á síðasta ári. Í ár hafa fleiri en 2.600 einstaklingar drukknað í Miðjarðahafinu á flóttanum.

Páll Eiríksson geðlæknir bendir á að Íslandi eru ekki til nóg af fagmenntuðu geðheilbrigðisstarfsmönnum á Íslandi til að taka við hundruðum flóttamanna.

Allsherjarþing Sameinuðu þjóðanna stofnuðu Flóttamannastofnun Sameinuðu þjóðanna árið 1951. Stofnun var fyrst sett á laggirnar til að bjarga evrópskum flóttamönnum sem hrakist höfðu af heimilum sínum eftir Síðari heimsstyrjöldina. Á þeim tíma voru fæstir að velta fyrir sér fyrir fjölda geðlækna og þeim meðferðaúrræðum sem voru í boði. Það var fyrst og fremst verið að bjarga mannslífum og fólki í neyð.

Íslendingar eiga að gera allt sem í þeirra valdi stendur til bjarga fólki sem er í sárri neyð og leggja sitt af mörkum til að leysa þennan mikla vanda. Þar á eftir þurfum við að finna lausn á öðrum úrlausnarefnum. Óvenjulegar aðstæður kalla á óvenjuleg úrræði.

_85253205_028637194-1

Flokkar: Stjórnmál og samfélag

Miðvikudagur 8.7.2015 - 11:49 - FB ummæli ()

Guy Verhofstadt tekur Tsipras á beinið

Alexis Tsipras, forsætisráðherra Grikklands, mætti í dag í Evrópuþingið til að ræða stöðuna sem upp er komin í Grikklandi.

Guy Verhofstadt, fyrrverrandi forsætisráðherra Belgíu og leiðtogi frjálslyndra flokka á Evrópuþinginu flutti áhrifaríka ræðu á þinginu af því tilefni.

Þetta er sterk ræða hjá Guy sem kallar eftir raunverulegum aðgerðum af hálfu grískra stjórnvalda.

 

Flokkar: Stjórnmál og samfélag

Eyjan Media ehf. - Kringlunni 4-12, Reykjavík - eyjan(hjá)eyjan.is